جمیل الرحمن عباسی

مِرے پیمبر کا نام خوشبو،مرے پیمبر کا کام خوشبو

مرے پیمبر کی صبح خوشبو،مرے پیمبر کی شام خوشبو

قدم بھی خوشبو،نگاہ خوشبو،نبی کی شادی بیاہ خوشبو

سفر بھی خوشبو،حضربھی خوشبو،خموشی خوشبو،کلام خوشبو

نبی کے دن اور رات خوشبو،نبی کی ہر ایک بات خوشبو

ہیں سوچیں خوشبو،ہیں چاہیں خوشبو،نبی کی سانسیں تمام خوشبو

نبی کا حج اور عمرے خوشبو،جہاد خوشبو،ہیں روزے خوشبو

مرے پیمبر کے سجدے خوشبو،رکوع خوشبو، قیام خوشبو

نبی کے فرمان بھی ہیں خوشبو،نبی کے احکام بھی ہیں خوشبو

نبی کا ہر اک پیام خوشبو،نبی کا سارا نظام خوشبو

علیؓ کے ہیں مقتدا ابوبکرؓ اورفاروقؓ اور عثماںؓ

ہے میرا ایماں علیؓ ہیں خوشبو ،علیؓ کے تینوں امام خوشبو.

مکان خوشبو، لباس خوشبو، مزاج خوشبو ،معاش خوشبو

مرے پیمبر کے فاقے خوشبو، نبی کا سادہ طعام خوشبو

جمیل آقا کے یار خوشبو ،نبی کے سب رشتہ دار خوشبو۔

ہیں اہل بیتِ عظام خوشبو،ہیں سب صحابہ کرامؓ خوشبو