٭نگاہِ یار کے پھرتے ہی ہم سے اے آتش

زمانہ پھر گیا ،چلنے لگی ہوا اُلٹی

                                        (آتش لکھنوی )

 

سب صنعتیں جہاں کی آزاد ہم کو آئیں

پر جس سے یار ملتا ایسا ہنر نہ آیا

                                       (آزاد ، فقیر اللہ )

اس تُند خو صنم سے ملنے لگا ہوں جب سے

ہر کوئی  مانتا ہے  میری  دلاوری  کو

                                       (آرزو اکبر آبادی)

 

جوگ لیا آشفتہ ہم نے دیکھ لٹک ان زلفوں کی

گلیوں گلیوں حال پریشان بال بکھیرے ملتے ہیں

                                       (آشفتہ دہلوی )

 

گر دلوں میں اتفاق اور خواہشوں میں میل ہے

زندگی کی راحتوں کو فتح کرنا کھیل ہے

                                       (آغا حشرکشمیری )

اف رے شبنم اس قدر ناقدریاں

موتیوں کو گھاس پر پھیلا دیا

                                       (آغا شاعر)

 

کب کب گلی میں تیرے ہم بے قرار آئے

سو بار جی نے چاہا تب ایک بار آئے

                                       (اثر دہلوی)

 

یہ اُڑی اُڑی سی رنگت یہ کھلے کھلے سے گیسو

تری صبح کہہ رہی ہے تری رات کا فسانہ

                                       (احسان دانش)

 

یوں پھر رہا ہے کانچ کا پیکر لیے ہوئے

غافل کو یہ گماں ہے کہ پتھر نہ آئے گا

                                       (احمد فراز)

 

انداز  ہو بہو تری   آوازِ پا کا    تھا

دیکھا نکل کے گھر سے تو جھونکا ہوا کا تھا

                                       (احمد ندیم قاسمی )

 

اک محبت تھی مٹ چکی یارب

تیری دنیا میں اب دھرا کیا ہے

                                       (اختر شیرانی )

 

جس نے کشتی کومری چاہا ڈبونا بارہا

اے خدا کیا پھر وہ میرا ناخدا ہو جائے گا

                                       (سردار محمد اختر )

 

آج ساقی میں نہیں گو کہ مروت باقی

خیر زندہ ہے اگر یار تو صحبت باقی

                                       (سید مظفر علی خاں اسیر )

 

اگر بخشے زہے قسمت نہ بخشے توشکایت کیا

سرِتسلیم خم ہے جو مزاج ِ یار میں آئے

                                       (نواب علی خان اصغر)

 

رند جو ظرف اٹھالیں وہی ساغر بن جائے

جس جگہ بیٹھ کے پی لیں وہی مے خانہ بنے

                                       (اصغر گونڈوی)

 

وہ عشق جو ہم سے روٹھ گیا ، اب اس کا حال بتائیں کیا

کوئی مہر نہیں ،کوئی قہر نہیں پھر سچا شعر سنائیں کیا

                                       (اطہر نفیس )

 

ذرا سی دیر ہی ہو جائے گی تو کیا ہوگا

گھڑی گھڑی نہ اٹھاؤ نظر گھڑی کی طرف

                                       (اکبر الہ آبادی)

 

وائے قسمت وہ بھی کہتے ہیں بُرا

ہم بُرے سب سے ہوئے جن کے لیے

                                       (امیر مینائی)

 

ان سے ہم لو لگائے بیٹھے ہیں

آگ دل میں دبائے بیٹھے ہیں

                                       (انور دہلوی )

 

سمایا ہے جب سے تو نظروں میں میری

جدھر دیکھتا ہوں اُدھر تُو ہی تُو ہے

                                       (مرزا علی حیدر)